Kryetari i Partisë Republikane, Fatmir Mediu, një nga kundërshtarët politikë të Fatos Nanos gjatë viteve të tranzicionit, ka vlerësuar sot figurën e tij si një politikan të rrallë për nga mendimi i thellë dhe toleranca.

Në një prononcim për mediat gjatë homazheve në nder të ish-kryeministrit, Mediu u shpreh:

“Fatos Nanon do ta kujtoj si njeriun e mendimit dhe të tolerancës. Një kundërshtar me të cilin, kur debatoje, duhej të mendoheshe thellë. Ai kishte kontribute të mëdha në jetën politike të vendit. Asnjë nuk është perfekt, por Fatos Nano kishte tolerancë si pak politikanë shqiptarë e kanë.”

Deklarata e Mediut është një shenjë respekti dhe reflektimi për figurën e një lideri që, pavarësisht përplasjeve politike, u njoh për kulturën e debatit dhe moderimin në politikën shqiptare.