Ditën e sotme fermërët dhe blegtorët e Përmetit kanë protestuar para bashkisë për shkak të kushteve të vështira dhe vështirësive që ata hasin në lidhje me punën e tyre.

Ata kanë kërkuar që të rritet çmimi i qumështit, të ulet nafta teksa njëzëri thonë se janë të lodhur nga gënjeshtrat e qeverisë në lidhje me subvencionet.

Në mbështetje të tyre ka qenë edhe Ervin Resuli, pjesë e Shoqatës së Fermerëve.

Ervin Resuli–Sot kjo protestë mbahet nga fermerët dhe blegtorët e Përmetit për shkak të problematikave të shtuara për shkak të kostove të shtuara blegtorale, rritjes së naftës, subvencionet që nuk mbështesin fermërët.

Ata gjenden në vështirësi. Shoqata e prodhuesve vendor është në mbështjete të tyre, nuk e organizojmë ne si protestë.

Fermeri– Neve duam të na ulet nafta, të rritet çmimi i qumështit.

Pyetje- Premtimet e qeverisë për subvencionet?

Fermeri–Jemi lodhur me ato gënjshtra.

Pyetje–Keni aplikuar ndonjëherë për subvencione?

Fermeri–Shumë herë dhe na kanë gënjyer. Na thonë jo sot, jo nesër. Ne aplikojmë e ata mbajnë lekët tona.

Pyetje–Cfarë kërkoni sot?

Fermeri–Të ngrihet çmimi i qumështit. Të ulet çmimi i naftës. Ka vajtur aty ku nuk mban më.

Kjo protestë vjen një ditë pas asaj të fermerëve në Fier, Berat dhe Lushnje, për shkak të krizës që ka kapur të gjithë sektorin e bujqësisë dhe blegtorisë.