Reperi i njohur Fero është martuar për herë të dytë, duke surprizuar ndjekësit e tij. Në imazhet e publikuara së fundmi, vihet re se bashkëshortja e tij e re nuk është e mbuluar, një ndryshim i dukshëm krahasuar me periudhën e mëparshme të jetës së Feros, kur ai ishte tërhequr nga muzika dhe i përkushtuar ndaj fesë.

Burime nga “Prive” kanë zbuluar gjithashtu një fotografi të bashkëshortes së tij të re, duke theksuar një ngjashmëri të madhe me Arbenita Ismajlin, ish-gruan e tij të parë. Sikurse Arbenita, edhe bashkëshortja e re e Feros është modele, çka ka ngjallur kureshtje të madhe mes fansave të reperit.

Ky zhvillim i ri në jetën e Feros ka hapur diskutime të shumta, duke ngritur pyetje mbi rikthimin e tij të mundshëm në industrinë e muzikës.