Një shtetas është gjetur i mbytur dhe i dekompozuar në një kanal me ujë në fshatin Mujalli të Fierit. Ende nuk dihet identiteti i të ndjerit.

Me sa duket reshjet e shiut që kanë shtuar prurjet në lumenj, kanë bërë që trupi i pajetë të përfundojë pranë banesave në fshatin Mujalli të Fierit.

Nuk dihet ende identiteti, por mësohet se viktima është e seksit mashkull.

Grupi hetimor po punon për nxjerjen e personit të mbytur nga kanali, identifikimin e tij dhe zbardhjen e rrethanave të ngjarjes.

Informacion paraprak

Në fshatin Mujalli, në një kanal me ujë është gjetur i mbytur dhe i dekompozuar një shtetas i seksit mashkull ende i paidentifikuar.

Në vendngjarje ka shkuar grupi hetimor dhe po punon për nxjerjen e personit të mbytur nga kanali, identifikimin e tij dhe zbardhjen e rrethanave të ngjarjes.