Me shkopinj gome dhe pistoleta në dorë një grup personash, pjesëtarë të fisit të deputetit socialist Rrahman Rraja, mësyjnë në lokalin në aksin Fushë Krujë – Thumanë dhe godasin dy kushërinjtë Bilbil dhe Jashar Maja të cilët ishin të ulur në tavolinë.

Skenat shokuese ndodhin në mes të ditës dhe në një lokal ku ka dhe qytetarë të tjerë, megjithatë kjo duket se nuk i tremb aspak anëtarët e fisit Rraja të cilët vijojnë të filmojnë çdo veprim.
Ndërsa një person tjetër i nxit për të dhunuar edhe më shumë.

Organizatorët duket që kujdesen ta filmojnë për tia treguar dhe të tjerëve, me qëllim që ti frikësojë dhe të paralajmërojnë se kushdo që mund të ankohet për guroren në Borizanë të cilën ata e kishin të licencuar do ta pësonin ashtu.
Veprime të ngjashme me bandat që duan të kontrollojnë territore.
E gjithë ngjarja ka shokuar opinionin publik dhe kërkojnë reagimin e shtetit.