Gjatë homazheve për ish-kryeministrin dhe liderin historik të Partisë Socialiste, Fatos Nano, djali i tij, Sokol Nano, mbajti një fjalim prekës ku shprehu emocionet dhe mirënjohjen për babanë.

“Të nderuar të pranishëm, familjarë, miq, shokë, jam thellësisht i prekur nga vëmendja dhe dashuria juaj që kam ndjerë për babain tim në këto ditë të vështira. Ai ikën nga kjo botë, por vetëm fizikisht,” tha Sokol Nano, duke kujtuar mësimet e babait të tij për demokracinë, garën e ndershme, socialdemokracinë dhe Shqipërinë europiane.

Ai shtoi se babai i tij i kishte mbjellë shqiptarëve ide, kulturë dhe qytetari, duke qenë gjithmonë tolerant me këdo që mendonte ndryshe. Fjalimi i Sokol Nanos ngjalli emocione të thella tek të pranishmit, duke përforcuar trashëgiminë morale dhe politike të Fatos Nanos.