Me lot në sy, kushërira e Suela Saliajt, e cila u vra nga ish-bashkëshorti Renato Muhaj në një ngjarje të rëndë në Florida të SHBA, ka treguar detaje tronditëse nga kjo ngjarje tragjike.

E ftuar për të sqaruar më shumë detaje, Elmira Metaj tha se Muhaj kishte shkuar në shtëpinë e Suelës për t’i marrë vajzën e tyre 2-vjeçare.

“Mos i ndodhtë askujt. Ajo kishte 2 vite e ndarë dhe ai kërkonte t’i merrte vajzën. Vajti për të marrë vajzën dhe bëri atë që bëri. Ja mori vajzën dhe iku. Ajo tentoi tja merrte nga duart dhe ai bëri atë që bëri. Unë nuk e njoh Renaton, nuk e kam takuar kurrë. Nuk di gjë nëse kanë patur konflikte të mëparshme”, u shpreh ajo.

Ngjarja tragjike ndodhi disa ditë më parë, kur 34-vjeçari Renato Muhaj vrau ish-partneren e tij Suela Saliaj dhe më pas rrëmbeu vajzën e tyre 8-vjeçare. Pas pak orësh, ai u arrestua nga autoritetet. Familja dhe miqtë janë tronditur nga kjo ngjarje dhe janë ende nën ndikimin e dhimbjes për humbjen e Suelës.