Një media venezueliane ka publikuar foton e parë të presidentit të Venezuelës, Nikolas Maduro, pas arrestimit të tij dhe të bashkëshortes nga forcat amerikane të Delta Force.

Radioja WRadio ka bërë publike një imazh ku Maduro shihet ulur brenda një helikopteri, me pranga në duar, duke mbajtur veshur rroba me ngjyrë të çelët. Ai shoqërohet nga dy persona të veshur me uniforma kamuflazhi, njëri në të majtë dhe tjetri në të djathtë të tij.

Publikimi i fotos vjen pas zhvillimeve të forta politike dhe ushtarake që pasuan operacionin amerikan në Karakas, ngjarje që ka tronditur jo vetëm skenën politike të Venezuelës, por edhe marrëdhëniet ndërkombëtare përreth vendit.