Rreth orës 13:40 të kësaj të shtune, një shtëpi private në lagjen “Aqif Pasha”, në qendër të Elbasanit, u përfshi nga flakët, duke shkaktuar dëme të konsiderueshme materiale.

Fatmirësisht, nga zjarri nuk raportohet për persona të lënduar, ndërsa banorët kanë arritur të dalin në kohë nga banesa. Flakët shkaktuan panik në zonë për shkak të afërsisë me banesa të tjera dhe dendësisë së lagjes.

Në vendngjarje mbërritën menjëherë forcat zjarrfikëse, të cilat po punojnë për neutralizimin e flakëve dhe për të shmangur përhapjen e zjarrit në objektet përreth.

Shkaqet e rënies së zjarrit mbeten të paqarta, ndërsa autoritetet po kryejnë verifikime të plota për të sqaruar incidentin.