Prezenca e tregtareve ambulantë përreth kishës së Shna Ndout në Laç është kthyer ne burim konflikti mes këtyre të fundit dhe rojeve fizike të kishës.

Policia private ka ndërhyrë për largimin e ambulantëve por është përballur me rezistencën e tyre, duke sjellë përplasje fizike mes tyre. Denoncimi është bërë nga përgjegjësi i rojeve private Gjon Shkëmbi, sipas të cilit nuk po gjejnë mbështetjen e policisë bashkiake dhe asaj të rendit, dike sjellë dhe këtë situatë.

“Problemi jonë është që aty po na dëmtojnë rojet, me tregtarët e paligjshëm, e kemi njoftuar disa herë policinë, dhe nuk ndërhyn as policia bashkiake dhe as policia e rendit. Nuk na kanë dhënë as përgjigje, asgjë. Kjo punë do të zgjidhet vetëm me vetëgjyqësi, nëse nuk ndërhyn shteti gjendja do të rëndohet edhe më tepër.

Kemi kërkuar largimin e tregtarëve ambulantë, dhe policia asnjëherë nuk na ka ndihmuar, ata nuk kanë kurrfarë licence. Nga drejtoria na përcjellin, thonë duhen police gra, dhe e kemi vetëm një grua police që është me leje lindje. Ky është justifikimi i tyre se nuk kanë police femër dhe nuk mund të na mbështesin”, u shpreh Shkëmbi.