Fredi Beleri, i zgjedhur kryebashkiak i Himarës, ka njoftuar se nuk do të betohet, pasi Apeli i Gjykatës Kushtetuese dhe e Drejtësisë (GJKKO) nuk i ka dhënë leje për këtë procedurë.

Avokati i tij paralajmëroi se do të drejtohen me një rekurs në Gjykatën e Lartë. Beleri akuzoi drejtësinë për “elementë të frymës fashiste” dhe pretendoi se kryeministri Edi Rama ka dhënë urdhër për të penguar betimin e tij për arsye politike.

Ai gjithashtu bëri thirrje për ndërhyrjen e Gjykatës Kushtetuese për të shqyrtuar ankimimin e tij kundër masës së sigurisë “arrest në burg”.

“Duhej bërë betimi, nuk e lënë të bëjë betimin. Ne do ankohemi në Gjykatën e Lartë. Është vendim me elementë të frymës fashiste. Vendimi i shkallës së parë stimulon veprimet e qeverisë për shpalljen gjendjes së jashtëzakonshme në Himarë. Nuk është e vërtetë. Gjykata e la në fuqi pa ndryshuar asnjë pjesë të asaj vendimi. Nuk na u dha arsyetimi, do ta marr tani. Jemi në fund të procesit, e njëjta treshe e kanë marrë rrugë për ta dënuar dhe marrjen e lejes së posaçme. Në kundërshtim edhe me raste të tjera. E duan me çdo kusht bashkinë e Himarës”, tha avokati.