Një vjedhje me vlerë 1.5 milionë euro ka ndodhur në një restorant të njohur francez, Tour d’Argent.
Vjedhja ka përfshirë 83 shishe verë, duke përfshirë disa prej Romanée Conti nga rajoni i Burgundisë. Restoranti Tour d’Argent njihet si një nga më të vjetrat dhe më të shtrenjtat në Paris.
Njoftimi i vjedhjes është bërë më 25 janar, dhe raportohet se ndër shishe ishin disa prej më të shtrenjtave në botë, duke përfshirë një Romanée Conti të vitit 1999, e cila shitet me 31,200 euro për shishe sipas faqeve të specializuara në internet.
