Kanë përfunduar sot kërkimet për 30-vjeçarin Jurgen Karaj, trupi i pajetë i të cilit u gjet në rrjedhën e një përroi në fshatin Darsë të Klosit. I riu ishte shpallur i zhdukur prej disa javësh, pasi automjeti me të cilin udhëtonte dyshohet se kishte rënë në përrua pas një aksidenti.

Trupi i Karajt u lokalizua paraditen e sotme nga ekipet e kërkim-shpëtimit, duke i dhënë fund një operacioni të gjatë dhe duke konfirmuar përfundimin tragjik të ngjarjes. Autoritetet po vijojnë procedurat për zbardhjen e plotë të rrethanave të aksidentit.