Zhvillime të reja diplomatike sugjerojnë përpjekje për të shmangur një përshkallëzim të mëtejshëm në Lindjen e Mesme, pasi sipas raportimeve, dy figura kyçe iraniane janë hequr përkohësisht nga lista e objektivave të mundshme të Izraeli.

Bëhet fjalë për ministrin e Jashtëm Abbas Araqchi dhe kryetarin e parlamentit Mohammad Baqer Qalibaf, të cilët sipas një burimi pakistanez për Reuters, janë përjashtuar nga çdo plan i mundshëm eliminimi pas ndërhyrjes së Pakistani.

Burimi thekson se Islamabadi i ka kërkuar Shtetet e Bashkuara të ushtrojnë presion ndaj Izraelit, me argumentin se eliminimi i këtyre zyrtarëve do të eliminonte çdo mundësi për negociata. Sipas tij, Uashingtoni ka ndërhyrë duke i kërkuar Izraelit të tërhiqet nga ky skenar.

Megjithatë, nuk ka ende konfirmime zyrtare nga ushtria izraelite apo zyra e kryeministrit Benjamin Netanyahu, ndërsa edhe autoritetet pakistaneze kanë zgjedhur të mos komentojnë publikisht.

Raportime të mëparshme nga The Wall Street Journal kanë përmendur pezullimin e përkohshëm të këtyre objektivave, por pa specifikuar rolin e Pakistanit në këtë zhvillim.

Rol ndërmjetësues në rritje

Pakistani, së bashku me Egjipti dhe Turqia, po shfaqet si një ndërmjetës kyç mes Iranit dhe SHBA-së, në një kohë kur kanalet tradicionale të komunikimit janë pothuajse të bllokuara.

Burimet bëjnë me dije se Teherani po shqyrton një propozim me 15 pika të paraqitur nga presidenti amerikan Donald Trump, i cili është përcjellë përmes Pakistanit.

Plani përfshin masa të ndjeshme si:
• heqja e rezervave të uraniumit të pasuruar,
• ndalimi i procesit të pasurimit,
• kufizimi i programit të raketave balistike,
• dhe ndërprerja e mbështetjes për aleatët rajonalë.

Dritë e vogël për negociata

Ky zhvillim shihet si një hap i mundshëm drejt hapjes së rrugës për negociata, edhe pse situata mbetet e brishtë dhe e paqartë.

Ndërkohë, komuniteti ndërkombëtar po ndjek me kujdes çdo lëvizje diplomatike, pasi çdo vendim në këtë fazë mund të ndikojë drejtpërdrejt në stabilitetin e gjithë rajonit.