Gazetari Basir Çollaku ka theksuar se Shkodra është një qytet me telashe të mëdha në raport me krimin, duke lidhur ngjarjet e fundit me dekonspirimin e dosjes “Revanshi” dhe shpërndarjen e informacionit të saj në media. Ai ka theksuar se kjo situatë ka sjellë një valë vrasjesh në vend, duke nxjerrë në pah lidhjet mes grupeve kriminale dhe institucioneve të rendit, si Policia, Prokuroritë dhe Gjykatat, jo vetëm ato me juridiksion të posaçëm, por edhe ato me juridiksion të përgjithshëm.

Çollaku theksoi se dekonspirimi i dosjes “Revanshi” ka ndodhur për shkak të pakujdesisë në menaxhimin e informacionit, çka ka bërë që të dalin në pah detajet e grupeve dhe mënyrën se si kryejnë krime. “Kjo solli vrasjet që po ndodhin aktualisht. Lidhjet e këtyre grupeve të bandave me policinë dhe sistemin e drejtësisë janë të qarta, duke treguar një mungesë parandalimi dhe një akuzë për dështimin e institucioneve,” deklaroi ai.

“Është qytet më me telashe në raport me krimin. Është dekonspirim dhe shpartallim i dosjes Revanshi. Pakujdesie për ta eksportuar mediatikisht, që nxori të dhënat e grupeve se si të vrasin njëri-tjetrin. Kjo solli vrasjet. Lidhjet e këtyre grupeve të bandave me policinë, prokurorinë e gjykatave në nivele të larta, Është akuzë dhe mungesë parandalimi.

Ndërhyrja politike për këto nderet elektorale, janë edhe më lart. Përfshirja dhe vetëpastrimi i munguar edhe asaj të Prokurorisë së Posaçme dhe të juridiksionit të përgjithshëm ku garancinë e kanë bandat. Krimi bën emërimin e tyre dhe borderotë e tyre janë në polici e gjykata dhe këta janë të pafuqishëm për të vepruar. Flitet jo vetëm për Shkodrën por edhe në qytetet të tjera, apo edhe gjyqtarëve të kësaj drejtësie të re”, tha gazetari Çollaku.