Kryetari i Grupit Parlamentar të Partisë Demokratike, Gazmend Bardhi, ka denoncuar çmimin e lartë të energjisë elektrike në Shqipëri, duke e cilësuar atë si një pasojë të drejtpërdrejtë të mungesës së transparencës dhe abuzimeve në procesin e shitblerjes së energjisë. Sipas Bardhit, qytetarët e Kosovës paguajnë 7.4 euro/kWh për energjinë elektrike, ndërsa qytetarët shqiptarë detyrohen të paguajnë 11.1 euro/kWh.

Ai akuzoi ministren e Infrastrukturës dhe Energjisë, Belinda Balluku, për përgjegjësi të drejtpërdrejtë për këtë situatë, duke theksuar se energjia blihet shtrenjtë dhe shitet me çmime më të ulëta, duke shkaktuar pasoja të rënda financiare për buxhetin e shtetit.

“Ndërsa qytetarët e Kosovës paguajnë çmimin e energjisë 7.4 euro/kWh, qytetarët shqiptarë paguajnë 11.1 euro/kWh. Kjo është pasojë direkte e mungesës së transparencës dhe abuzimeve në procesin e shitblerjes së energjisë dhe shmangies së detyrimit për të përdorur Bursën e Energjisë, që sjellin pasoja të rënda financiare për buxhetin e shtetit, sepse energjinë e blejmë shtrenjtë dhe e shesim lirë. Kjo është kriminale dhe përgjegjësi e drejtpërdrejt e ministres Belinda Balluku”, deklaroi Bardhi.
. “Çdo vonesë apo mosveprim rëndon mbi xhepat e qytetarëve të varfër shqiptarë, që u shtohet çdo ditë kosto e jetesës për shkak të babëzisë për të vjedhur çdo gjë dhe kudo”, theksoi ai. 

Bardhi shtoi se kjo gjendje po rëndon mbi xhepat e qytetarëve, veçanërisht ata të varfër, duke përkeqësuar gjithnjë e më shumë koston e jetesës për shkak të “babëzisë” dhe abuzimeve të qeverisë.