Një aksident tragjik automobilistik ka tronditur qytetin e Vlorës mbrëmjen e djeshme, rreth orës 01:30 pas mesnate, ku ka humbur jetën Leandro Shametaj, 17 vjeç.

I riu sapo kishte mbaruar turnin e dytë si kamerier në një lokal dhe po kthehej në shtëpi me motorin e tij të vogël “Trinity”. Udhëtimi i natës për të siguruar të ardhurat e familjes rezultoi fatal.

Gjyshi i Leandros, me lot në sy, u shpreh te morgu: “E vranë në rrugë… Ai ishte vetëm 17 vjeç. Punonte fort për të ndihmuar familjen.”

Trishtimi ka përfshirë edhe komunitetin shkollor. Nxënësit dhe mësuesit e gjimnazit ku Leandro ndiqte mësimet vendosën një pankartë të madhe jashtë shkollës me mbishkrimin: “Gëzo me engjëjt, Leandro”, një mesazh dhimbjeje dhe lamtumire për shokun e tyre të dashur.