Mbrëmjen e djeshme (e diel) në shtëpinë më të famshme të Kosovës, Gjesti dhe Xheneta kanë shkëmbyer puthjen e parë në buzë, duke e bërë publike lidhjen e tyre. Ata po festonin ditëlindjen e Drenusha Latifit, dhe në një moment janë parë duke shijuar momente të bukura bashkë, duke konfirmuar kështu se janë një çift i ri.

Pasi lidhja e tyre u bë publike, ata kanë vazhduar të kalojnë kohë së bashku dhe të shijojnë çdo çast intime, të mbuluar me jorgan dhe në privatësi, larg syve të të tjerëve. Ndërkohë, Mevlani i ka ngacmuar, duke i shkuar pranë dhe duke u përpjekur t’i pengonte që të kalonin momente private, edhe pse Gjesti i kërkoi të ndalonte veprimet e tij.

Përveç Gjesti dhe Xhenetës, në edicionin e tretë të “Big Brother VIP Kosova” janë krijuar edhe çifte të tjera, si Arioni dhe Diana, ndërsa ngacmime dhe afrimitet janë shfaqur edhe mes Kevinit dhe Anës, si dhe Leos dhe Lelës. Këto momente kanë tërhequr vëmendjen e publikut dhe kanë bërë që shikuesit të ndjekin me interes dinamikën mes banorëve.