Në spektaklin e fundit të “Big Brother VIP Albania”, konkurrenti Gjesti foli për herë të parë për ish-të dashurën e tij, të cilës i dedikoi një letër në Ditën e të Dashuruarve. Ai u shpreh se me të kishte përjetuar emocione dhe kujtime që, sipas tij, nuk do t’i përjetojë më kurrë.

Në lidhje me këtë histori, një koment bëri edhe miku i tij, DJ Gimbo, i cili ishte i ftuar në “Big Brother VIP Fan Club”. Ai konfirmoi se ish e dashura e Gjestit quhet Diellza dhe se dyshja kishin bashkëjetuar më parë.

“Diellza është ish e dashura e Gjestit, kanë bashkëjetuar. Janë ndarë ndoshta 7-8 muaj më parë. Diellza vazhdon rrugën e saj, Gjesti të vetën,” – tha DJ Gimbo.

I pyetur nëse beson se Gjesti e ka harruar ish të dashurën, ai u shpreh:
“Nuk e di a e ka harruar apo e ka ende në mendje, por di që me të ka përfunduar çdo gjë.”

Ndërkohë, nuk dihet ende nëse Diellza ka reaguar për deklaratat e Gjestit dhe nëse ajo e ka ndjekur nga afër rrugëtimin e tij në “Big Brother VIP Albania”.

Shoku i Gjestit:Jo, as nuk ka kontaktuar me ne, as nuk ka pasur ankesë ose kërkesë, asgjë. Nuk ka reaguar, asnjë mesazh.