Një situatë e papritur ka ndodhur në “Big Brother VIP Albania 4” kur Gjesti ka shpallur vendimin e tij për t’u larguar nga shtëpia, duke krijuar panik mes banorëve. Ai ka shprehur se dëshironte të largohej për shkak të shqetësimeve për shëndetin e tij, ndërsa ka kërkuar që ata të mos e pengonin në vendimin e tij. Banorët janë mbledhur te dera dhe e kanë lutur të qëndrojë, por Gjesti ka insistuar në largimin e tij, duke thënë se “më e rëndësishme është shëndeti im, se loja.”

Megjithatë, pas përshëndetjes me banorët, ai ka përdorur një truk të mençur për të fshehur praninë e tij. Pas largimit të të tjerëve nga lavanderia, Gjesti është fshehur në një prej dollapeve atje, duke bërë që banorët të mendojnë se ai ka dalë me të vërtetë nga shtëpia.

Pasi është krijuar përshtypja se Gjesti ka dalë, banorët janë mbledhur në oborr, duke diskutuar për “lojën” e tij. Ndërkohë, kundërshtarët e tij shprehnin gëzim për largimin e tij. Ndërkohë, Gjesti, i fshehur ende në dollap, ka shprehur zhgënjim, duke thënë: “Krejt jon fake, këta tjerëtm s’kanë mëshirë për mu, dojn me m’pa jashtë u vertetu.”

Ky moment ka shtuar tensione dhe dyshime mes banorëve, duke bërë që loja të marrë një kthesë të paparashikuar.