Besart Kelmendi, i njohur ndryshe si “Gjesti”, banori i Big Brother VIP Albania, vazhdon të marrë mbështetje të madhe nga ndjekësit e tij, jo vetëm në Kosovë dhe Shqipëri, por edhe në mbarë botën. Në një gest të veçantë mbështetjeje, një billboard me fotografinë e reperit nga Peja është shfaqur në Times Square të New York-ut, duke theksuar përkrahjen e madhe që ai ka marrë përpara finales së madhe të spektaklit.
Ky billboard është një simbol i dashurisë dhe përkrahjes nga fansat e “Gjestit”, që po e ndjekin nga afër aventurën e tij në Big Brother VIP. Ndërkohë, në këtë sezon të Big Brother, dy finalistët e konfirmuar deri tani janë Rozana Radi dhe Laert Vasili, dhe finalja e shumëpritur do të zhvillohet më 19 prill.
Ky moment është një shenjë e qartë e ndikimit dhe popullaritetit të “Gjestit”, i cili ka arritur të krijojë një lidhje të fortë me ndjekësit e tij ndërkombëtarë, duke u bërë një emër i njohur në skenën e shou-bizit shqiptar dhe jo vetëm.
