Gjykata e Posaçme le të pandryshuar masan e sigurisë “arrest shtepie” për ish-zv/ministren e Brendshme Rovena Voda, e cila dyshohet se u ka marrë 2 mijë euro dy grave, me premtimin se do t’i punësonte.
Rovena Voda akuzohet nga SPAK se ka marrë përfitime nga Florida Beu dhe Majlinda Hasani kundrejt emërimeve të tyre në detyrë.
E njëjta masë sigurie është vendosur edhe për dy shtetaset Florida Beu dhe Majlinda Hasani, të cilat dyshohet se i kanë dhënë nga një mijë euro secila ish-zv.ministres.
Nga përgjimet e zbardhura dje, rezultoi se Voda kishte marrë në këmbim nga Beu, për punësimin e kësaj të fundit në institucion publik, një shumë prej 1 mijë eurosh, një telefon dhe një arkë me peshk.
