Gjykata e Tiranës ka vendosur masën e sigurisë “arrest me burg” për 12 të arrestuar si pjesë e një operacioni kundër aktiviteteve të paligjshme me kriptovaluta, ndërsa 6 të tjerë janë lënë në “detyrim paraqitje” dhe 2 në “arrest shtëpie”.

Mes të arrestuarve është edhe Evis Sopi, financieri kryesor i televizionit “Syri TV”, i lidhur me Familjen Berisha. Prokuroria dyshon se përmes këmbimit të kriptovalutave kryhej pastrim parash dhe se këto transaksione shërbenin si forma pagese për grupe kriminale.

Lista e personave në “arrest me burg”:

1.Pirro Verdhi
2.Valentino Leka
3.Ridvan Nuhiji
4.Nexhmedin Sali
5.Muhamed Saraçi
6.Evis Sopi
7.Frederik Sinanaj
8.Tedi Agastra
9.Armando Gjoçi
10.Genci Sula
11.Dorian Dodaj
12.Denard Dani

Persona në “detyrim paraqitje”:

1.Arlin Kajo
2.Aldi Ruli
3.Riduan Bajrami
4.Spartak Gjoçi
5.Arbëror Agastra
6.Jonid Lazaj

Persona në “arrest shtëpie”:

1.Aurora Bregu
2.Lidra Leka

Hetimet dhe akuzat

Sipas Prokurorisë së Tiranës, aktiviteti i paligjshëm përfshinte pronarë të pikave të këmbimit valutor që shkëmbenin kriptovaluta pa licencë, bashkëpunëtorë dhe individë që promovonin këtë veprimtari në rrjetet sociale.

Akuzat për të arrestuarit përfshijnë:

•“Ushtrim pa licencë i veprimtarive financiare”
•“Fshehja e të ardhurave”

Operacioni rezultoi me ekzekutimin e 20 masave sigurie dhe zbuloi se disa pika këmbimi valutor ishin kthyer në qendra të transaksioneve të paligjshme, duke shmangur rregullimet ligjore dhe duke krijuar bazë për pastrim parash. Hetimet vazhdojnë për të zbardhur plotësisht përmasat e këtij aktiviteti kriminal.