Një grabitje e guximshme tronditi Parisin këtë të diel, kur një grup hajdutësh arriti të marrë tetë bizhuteri me vlerë të pallogaritshme nga Muzeu i Luvrit. Ngjarja ndodhi në Galerinë Apollo, ku ruhen stolitë historike të kurorës franceze.

Hajdutët tentuan të vidhin edhe kurorën madhështore të Perandoreshës Eugénie, gruas së Napoleonit III, e cila përmban mbi 1,300 diamante, 56 smeralde dhe më shumë se 1,100 diamante me prerje rozë. Megjithatë, ndërhyrja e rojeve i detyroi ata ta lënë pas.

Bizhuteritë e vjedhura përfshijnë:
• Diadema e Perandoreshës Eugénie, me 212 perla dhe rreth 3,000 diamante.
• Një hark dekorativ, pjesë e një rripi mbretëror, i mbushur me mbi 2,400 diamante.
• Broshë diamanti “relike” e vitit 1855, thjesht stoli pa asnjë relike fetare.
• Set bizhuterish me safir, duke përfshirë diademën me 24 safirë Cejloni dhe 1,083 diamante, gjerdanin me tetë safirë të rrethuar nga diamante dhe një palë vathë (vetëm një vathë u vodh).
• Gjerdan smeraldi dhe diamanti, dhuratë martese e Napoleonit për gruan e tij të dytë, Marie Louise, me 32 smeralde dhe 1,138 diamante.
• Një palë vathë smeraldi dhe diamanti, pjesë e të njëjtit set.

Ngjarja ka shkaktuar alarm në radhët e autoriteteve franceze, të cilët kanë nisur hetimet për identifikimin e autorëve dhe rikuperimin e thesarit historik.