Një grabitje e sofistikuar ka tronditur Portugalisë: shtëpia e trajnerit të kombëtares, Roberto Martinez, në qytetin bregdetar të Cascais, u sulmua nga një grup hajdutësh profesionistë, të cilët arritën të largoheshin me ora dhe bizhuteri luksoze me vlerë rreth 800 mijë euro.

Ngjarja ndodhi teksa Martinez dhe partnerja e tij ndodheshin jashtë banesës. Hajdutët hynë nëpërmjet një dritareje dhe kontrolluan çdo dhomë me qetësi, të bindur se kishin kohë për të vepruar pa u zbuluar.

Policia Portugeze (PSP), që po heton rastin, dyshon se pas grabitjes fshihet një bandë e huaj e specializuar në goditjen e pronave luksoze. Hetuesit po ndjekin disa pista, ndërsa deri tani nuk raportohet për arrestime.

Martinez, i cili vetëm pak muaj më parë udhëhoqi Portugalinë drejt titullit të Ligës së Kombeve 2024-2025, nuk ka bërë ende një koment publik për ngjarjen.