Ish-presidenti i Kosovës, Hashim Thaçi, ka udhëtuar këtë të premte nga Haga në Kosovë për të vizituar varrin e babait të tij, Haxhi Thaçi, i cili ndërroi jetë disa ditë më parë. Thaçi është shoqëruar gjatë vizitës dhe ka dorëzuar disa lule te varri i të atit, duke lënë një mesazh të ndjerë mbi kurorën e luleve:

“Te varri yt erdha i fundit babë! Para meje erdhën mijëra qytetarë! Së shpejti, dorë më dorë, do t’i falenderoj të gjithë. Të qoftë i lehtë dheu i Kosovës!”

Pjesëmarrja e Hashim Thaçit në varrimin e babait të tij ishte e pamundur, pasi ai nuk u lejua të merrte pjesë. Megjithatë, ai kishte mundësinë ta vizitonte babain në spitalin e Prishtinës më 13 mars 2025.