Pasditen e sotme në shtëpinë e Big Brother Vip ka mbërritur një zarf i bardhë, i cili është lexuar nga Juli. Në përmbajtjen e zarfit shkruhej se të gjithë banorët do kishin mundësi të ndanin një histori personale apo të një të afërmi, që ka përjetuar një sëmundje serioze, veçanërisht tumori.

Heidi ka qenë e para që ka filluar rrëfimin e saj, duke treguar për sëmundjen e gjyshes së saj, e cila ishte diagnostikuar me kancer në moshën 57-vjeçare dhe kishte ndërruar jetë. Ajo gjithashtu ka ndarë përvojën e saj personale, duke treguar se në një kontroll rutinë të saj, ajo kishte zbuluar një tumor në dorë, të cilin, fatmirësisht, e kishte kapur në kohë.

“He shkova dhe doli që ishte tumor. Faktikisht e kapa në kohë sepse dora ka shumë lidhje dhe mund të kishte kapur gjekun, nervat, çdo lloj gjëje dhe situata mund të degradonte. Kështu që këshilla më e mirë është të kontrollojmë veten për këto gjëra”, ka rrëfyer banorja e Big Brother Vip.