Negociatat me policinë e kanë bindur pas disa orësh 48-vjeçarin që kërcënoi të hidhej nga lartësia e një pallati në lagjen “22 Tetori”, për të zbritur dhe për t’i dhënë fund panikut të krijuar në zonë.

Mësohet se ai kishte hipur në tarracën e pallatit ku banonte, duke pretenduar të hyjë në banesë për të marr sendet personale, duke përdorur ballkonin, sepse 48-vjeçari është nxjerrë ditën e djeshme nga banesa, pasi nuk ka shlyer detyrimet për posedimin e këtij ambienti.

Berat/Informacion paraprak

Shtetasi A. D., 48 vjeç, ka hipur në tarracën e pallatit ku banonte, në lagjen “22 Tetori”, dhe ka pretenduar të hyjë në banesë për të marr sendet personale, duke përdorur ballkonin, sepse 48-vjeçari është nxjerrë ditën e djeshme nga banesa, pasi nuk ka shlyer detyrimet për posedimin e këtij ambienti.

Në vendngjarje kanë shkuar menjëherë shërbimet e Policisë dhe zjarrfikëset dhe pas negociatave të bëra me të, shtetasi A. D. ka zbritur i padëmtuar nga tarraca.