Një tjetër ngjarje e rëndë ka ndodhur paraditen e sotme në Kavajë, ku një makinë ka përfunduar në kanal dhe si pasojë ka ndërruar jetë një shtetase 30-vjeçare.

Makina e cila kishte përfunduar në kanal në një fshat në Kavajë është nxjerrë nga një vinç, ku brenda saj ka qënë shofere një femër. Ngjarja e rëndë ka ndodhur në rrugën e varrezave Kavajë, ku një automjet tip ‘Golf’ me targa AA 045 SJ ka rënë brenda në një kanal dhe si pasojë ka ndërruar jetë një vajze rreth 30 vjeç.

Njoftimi i Policisë:

Kavajë/Informacion paraprak

Më datë 10.03.2023, në vendin e quajtur Përroi i Rikaj, Kavajë, shtetasja R. C., 30 vjeçe, duke drejtuar automjetin e saj, dyshohet se ka humbur kontrollin mbi drejtimin e mjetit dhe ka dalë nga rruga.

Si pasojë e aksidentit 30-vjeçarja ka ndërruar jetë në vendngjarje.

Grupi hetimor ndodhet në vendngjarje dhe po punon për sqarimin e rrethanave të ngjarjes.