Policia e Sarandës ka shpallur në kërkim një të ri 28-vjeçar, Lilo Mera, pas një incidenti të ndodhur pasditen e sotme, ku ai është konfliktuar me dy efektivë të policisë. Incidenti ndodhi kur Mera kundërshtoi të gjobitej për një shkelje të qarkullimit rrugor.

Në një video të publikuar nga JOQ, shihet momenti kur Mera dhunon një nga efektivët, A.K., 26 vjeç. Pas marrjes së pajisjes elektronike të gjobave nga dora e policit, ai ushtroi dhunë ndaj tij. Ngjarjes iu bashkua edhe vëllai i tij, i cili tashmë është shoqëruar nga policia.

Autorët janë larguar nga vendi i ngjarjes me një automjet, ndërsa policia po vijon kërkimet për kapjen e 28-vjeçarit.