Sarandë – Një 20-vjeçar nga Maqedonia e Veriut është gjetur i pajetë në banesën ku po qëndronte gjatë pushimeve në qytetin bregdetar të Sarandës.

Sipas njoftimit të policisë, i riu, identifikuar si O.J., është gjetur pa shenja jete nga familjarët më 26 korrik 2025, në lagjen nr. 1 të Sarandës.

Specialistët për Hetimin e Krimeve në Komisariatin e Policisë Sarandë kanë referuar materialet për vlerësim të mëtejshëm. Nga këqyrja paraprake nuk janë konstatuar shenja dhune, ndërsa dyshohet se vdekja ka ardhur për shkaqe natyrale.

Hetimet vijojnë për sqarimin e plotë të rrethanave.