Policia arrestoi një 53-vjeçar i cili ishte shpallur në kërkim nga shteti italian për marrëdhënie seksuale me dhunë.

Bajram Mehaj u arrestua në fshatin Tërbuf të Lushnjës me qëllim ekstradimin e tij drejt shtetit italian ku është dënuar me 5 vite burg.

53-vjeçari ishte shpallur në kërkim ndërkombëtar pasi Gjykata e Novarës, Itali, e ka dënuar me 5 vjet e 10 muaj burgim, për veprën penale “Marrëdhënie seksuale me dhunë”, të parashikuar nga Kodi Penal i Italisë, informoi sot policia e Fierit

Arrestimi i tij provizor u krye nga shërbimet e njësisë së specializuar FAST Albania, në bashkëpunim me shërbimet e Komisariatit të Policisë Lushnjë.
Interpol Tirana vijon të bashkëpunojë me auritetet italiane, për ekstradimin e tij drejt Italisë.