Presidenti i Partisë së Lirisë, Ilir Meta, nuk ka dhënë një përgjigje të qartë nëse do të bashkohet me Sali Berishën në koalicionin për zgjedhjet e pranverës së 2025-ës. Ndërsa të dy aleatët kanë lënë të evaziv përgjigjen për një bashkëpunim të tillë, Meta duket më i distancuar nga kjo ide.

Ai shprehu mbështetje të plotë për betejën e Berishës kundër narkoshtetit, duke theksuar sakrificat e tij që tregojnë frikën e regjimit nga opozita e vërtetë. “Jemi në solidaritet të plotë me betejën e tij të jashtëzakonshme,” tha Meta.

Meta ka kritikuar gjithashtu kreun e SPAK, Altin Dumani, duke e akuzuar se po heton pa asnjë provë për të. Ai e përjashtoi mundësinë e gjetjes së ndonjë veprimi të paligjshëm nga ana e tij. “As ka gjetur dhe as ka për të gjetur një akt në kundërshtim me ligjin,” tha ai.

Duke iu referuar hetimeve, Meta sugjeroi se SPAK po përpiqet të përdorë individë të tjerë që kanë qenë pranë tij për të arritur qëllime politike. Ai e cilësoi këtë si një tentativë për të goditur udhëheqësit e vërtetë të opozitës dhe për të instaluar një “fake-opozitë”.

Meta është nën hetim nga SPAK për çështje të lidhura me lobimin në SHBA dhe dosjen CEZ-DIA.