Pas mungesës së saj në Kuvend si deputete në zgjedhjet e 11 majit, Ina Majko ka marrë detyrën e re si zëvendësministre e Shëndetësisë dhe Mbrojtjes Sociale. Vendimi u mor nga Këshilli i Ministrave, duke zëvendësuar në këtë post Niko Hykën.
Majko, kandidatë e Partisë Socialiste në qarkun e Vlorës dhe përfaqësuese e komunitetit rom, ishte premtuar nga kryeministri Edi Rama si një nga emrat kyç të qeverisë së ardhshme gjatë fushatës elektorale. Rama e përshkroi atë si zërin e vajzave të margjinalizuara dhe një figurë të rëndësishme në qeverisjen që do të vijë.
Ky emërim shënon një hap të rëndësishëm drejt përfshirjes së komuniteteve të margjinalizuara në institucionet qeveritare dhe një sinjal për përkushtimin e PS-së ndaj përfaqësimit më të gjerë social.
