Një incident ka ndodhur gjatë mitingut përmbyllës elektoral të Partisë Demokratike në qytetin e Elbasanit, ku është plagosur në kokë djali i deputetit Luçiano Boçi.

Sipas burimeve zyrtare, i riu ka pësuar një çarje në kokë, por fatmirësisht ndodhet jashtë rrezikut për jetën dhe është duke marrë ndihmën mjekësore në Spitalin Rajonal të Elbasanit.

Policia ka nisur menjëherë veprimet procedurale për të zbardhur rrethanat e incidentit. Deri tani mësohet se përplasja ka ndodhur për motive banale mes militantëve të PD-së, gjatë zhvillimit të aktivitetit elektoral.

Autoritetet janë në terren dhe hetimet vijojnë për identifikimin e autorëve dhe sqarimin e plotë të dinamikës së ngjarjes.