Një skenë e pazakontë dhe tronditëse është regjistruar këtë të martë në një nga plazhet më të frekuentuara të Vlorës, ku pushuesit janë bërë dëshmitarë të një sherri të ashpër në mes të detit, i cili ka përfunduar në dhunë fizike mes disa grave.

Në një video që po bën xhiron e rrjetit, shihet momenti kur një grua i afrohet një burri që ndodhej në det dhe e godet me forcë, ndërkohë që ishte në praninë e bashkëshortes së tij. Pa humbur kohë, gruaja që ishte me burrin reagoi menjëherë duke i kundërpërgjigjur fizikisht agresores. Përleshja mes të dyjave ndodh pikërisht në ujë, në mes të pushuesve të tjerë, duke krijuar kaos dhe panik të menjëhershëm.

Reagimi i pushuesve

Të pranishmit, të tronditur nga situata, tentuan të ndërhyjnë dhe të ndanin gratë, ndërkohë që të tjerë kanë filmuar gjithçka me telefonat e tyre. Videoja është shpërndarë me shpejtësi në rrjetet sociale, duke nxitur komente të shumta, ironi, por edhe shqetësim për mungesën e sigurisë në ambientet publike.

“Edhe në det nuk po kemi qetësi më…” – shkruan një përdorues në Instagram.
“Vlorë e vitit 2025 – ‘betejat’ zhvillohen edhe në thellësi!” – ironizon një tjetër.