Një ngjarje e rëndë ka tronditur qytetin Terni në Itali, ku një grua shtatzënë, në muajin e nëntë të shtatzënisë, ka rënë nga kati i dytë i një ndërtese mëngjesin e së dielës.

Pavarësisht ndërhyrjes urgjente të mjekëve, foshnja nuk arriti të mbijetojë, ndërsa gruaja ndodhet e shtruar në spital në gjendje kritike për jetën.

Sipas mediave italiane, policia po heton mundësinë e një tentative vetëvrasjeje, ndërkohë që hetimet paraprake kanë zbuluar se gruaja po trajtohej për probleme të ndryshme shëndetësore. Ajo jeton me bashkëshortin e saj dhe çifti nuk ka fëmijë të tjerë.

Autoritetet po punojnë për të zbardhur plotësisht motivet dhe rrethanat e ngjarjes tragjike.