Jeruzalem / Teheran – Tre shkencëtarë bërthamorë iranianë janë vrarë në sulme të dyshuara izraelite, raportoi agjencia iraniane Tasnim. Viktimat – Ali Bakaei Karimi, Mansour Asgari dhe Saeid Borji – i shtohen gjashtë shkencëtarëve të tjerë të vrarë më herët, duke çuar numrin total në nëntë, në përputhje me pretendimet e ushtrisë izraelite.

Izraeli ka bërë të ditur se këto operacione janë pjesë e strategjisë së tij për të frenuar përparimin e programit bërthamor të Iranit, duke theksuar se këto figura kishin role kyçe në zhvillimin teknologjik të armëve të mundshme bërthamore.

Përveç shkencëtarëve, Izraeli ka goditur edhe objektiva ushtarake iraniane dhe ka eliminuar disa komandantë të lartë, duke shkaktuar humbje të konsiderueshme në radhët e strukturës së sigurisë iraniane.

Ndërkohë, përpjekjet për të ringjallur marrëveshjen bërthamore mes Iranit dhe Shteteve të Bashkuara kanë hyrë në një fazë të pasigurt, pas përshkallëzimit të situatës dhe eliminimeve të fundit.