Pas nënshkrimit të marrëveshjes së armëpushimit mbrëmë, Izraeli ka shënjestruar një vendndodhje në Gaza, ku raportohet se po mbahej një grua peng, ka deklaruar një zëdhënës i krahut të armatosur të Hamasit. Abu Obeida, zëdhënës i Brigadave al-Qassam, tha se sulmi ajror ndodhi pas shpalljes së marrëveshjes dhe se ishte një përpjekje për të shënjestruar një nga të burgosurat femra të fazës së parë të marrëveshjes.
Ai theksoi se çdo agresion nga Izraeli mund ta kthejë këtë marrëveshje në një tragjedi për të burgosurit. Izraeli ende nuk ka komentuar mbi këto pretendime. Po ashtu, marrëveshja e armëpushimit ende nuk është miratuar në Parlamentin e Izraelit, pas mosmarrëveshjeve lidhur me kontrollin mbi Gazën. Marrëveshja u përshëndet nga liderë botërorë, përfshirë Presidentin e SHBA-ve, Joe Biden, dhe Presidentin e zgjedhur, Donald Trump.
