Izraeli i ka dhënë vetem dy ore per tu evakuar , sipas Mjekët pa Kufij, të njohur edhe si Médecins Sans Frontières (MSF).
Spitali, i cili është një nga disa që MSF mbështet në Gaza, ishte “ende duke trajtuar pacientë”, tha grupi i ndihmës mjekësore.
Ne e dënojmë pa mëdyshje këtë veprim, gjakderdhjen e vazhdueshme pa dallim dhe sulmet ndaj kujdesit shëndetësor në Gaza”, shtoi organizata. “Ne po përpiqemi të mbrojmë stafin dhe pacientët tanë.”
Më herët të premten, drejtoresha e përgjithshme e MSF-së Meinie Nicolai në një deklarate kishte kritikuar thirrjen e Izraelit për evakuimin e 1.1 milion njerëzve në Gazën veriore si “të egër”, duke thënë se “ky përfaqëson një sulm ndaj kujdesit mjekësor dhe njerëzimit”.
“Ne kemi parë vazhdimisht një gjuhë çnjerëzore dhe kjo dhunë është një manifestim i kësaj. Po flasim për më shumë se një milion qenie njerëzore. ‘E paprecedentë’ nuk mbulon as ndikimin humanitar mjekësor të kësaj,” kishte thënë Nicolai. Gaza po rrafshohet, mijëra njerëz po vdesin, kjo duhet të ndalet tani. Ne dënojmë kërkesën e Izraelit në termat më të ashpër të mundshëm.
