Të paktën 13 palestinezë kanë humbur jetën pas sulmeve të ushtrisë izraelite në veri të Rripit të Gazës, sipas raportimeve nga Anadolu. Burimet shëndetësore njoftojnë se sulmet goditën zona ku ishin grumbulluar civilët në lagjen Al Salaten, në perëndim të Beit Lahia, duke shkaktuar vdekjen e të paktën 8 personave.

Një tjetër sulm është kryer pranë një klinike shëndetësore në lagjen Sheikh Radwan, në qytetin e Gazës, ku humbën jetën 5 persona dhe dhjetëra të tjerë u plagosën.

Ushtria izraelite, që nga data 5 tetor, mban nën rrethim intensiv zonat veriore të Gazës, përfshirë kampin e refugjatëve Jabalia, ndërsa synon të dëbojë popullsinë lokale nga këto territore. Shënjestrimi i zonave ku grumbullohen civilët është bërë një praktikë e përsëritur në këto sulme.