Pas shumë spekulimesh në rrjetet sociale, u konfirmua se personi për të cilin Benita foli gjatë qëndrimit të saj në Big Brother VIP Kosova është Endri, një emër i njohur për publikun shqiptar.

Gjatë një bisede me Klodin dhe Elijonën, Benita rrëfeu se marrëdhënia e tyre ka zgjatur rreth pesë vite dhe ka qenë emocionalisht e rëndësishme, por aktualisht po kalon një fazë të pasigurt. Ajo theksoi se partneri i saj ka qenë pranë saj që kur nuk ishte figurë publike dhe pa ndërhyrje estetike, por vendimi për të hyrë në reality-show nuk është pritur mirë nga ai.

Endri u bë i njohur rreth një dekade më parë me hite që shënuan sukses të madh tek adoleshentët, ndërsa pas largimit nga muzika iu përkushtua biznesit dhe së fundmi ka paralajmëruar rikthimin në skenë. Burimet bëjnë me dije se marrëdhënia ka pasur ulje-ngritje të shumta, veçanërisht gjatë vitit të fundit, kur kontaktet mes tyre janë rralluar.

Për ndjekësit e Big Brother VIP Kosova, ky zbardhje i identitetit të partnerit sjell një dimension të ri në historinë e Benitës dhe rikthen vëmendjen mbi jetën e saj private jashtë reality-show-t.