Dy shtetase, njëra ruse dhe tjetra ukrainase, janë arrestuar në kuadër të operacionit policor “Escort” për shfrytëzimin e vajzave të huaja në prostitucion në Tiranë. Anna Tkachenko dhe Elena Maslova u kapën në flagrancë dhe u zbuluan se po drejtonin një rrjet prostitucioni, duke reklamuar vajzat përmes faqes “Escort Tirana”.

Policia ka njoftuar se gjithashtu janë proceduar penalisht 11 vajza, të cilat shfrytëzoheshin nga të arrestuarat për këtë veprimtari të paligjshme. Vajzat reklamoheshin në faqe interneti dhe paratë e përfituara transferoheshin organizatorëve, të cilët ende nuk janë identifikuar nga autoritetet.

Njëra nga vajzat e shfrytëzuara ka bashkëpunuar me policinë për të zbuluar detajet e rrjetit të prostitucionit. Policia vijon punën për identifikimin e personave që qëndrojnë pas faqes “Escort Tirana” dhe mblidhnin fitimet e aktivitetit. Arrestimi i këtyre dy grave ka nxjerrë në pah një problem të gjerë të shfrytëzimit dhe trafikimit të vajzave në Shqipëri.