Qershori i 2020-s i i solli Jonida Vokshit dhe Besnik Krapit dhuratën më të bukur që kishin ëndërruar ndonjëherë, Emin, e cila u ndryshoi plotësisht jetën dy prindërve të rinj. Që nga ai moment e deri më sot e gjithë jeta e tyre rrotullohet rreth saj, por mesa duket kësaj panorame të bukur familjare do t’i bashkohet një tjetër engjëll.
Këtë lajm kaq të rëndësishëm moderatorja e ka konfirmuar vetë gjatë hapjes së prime-it të mbrëmshme të “BBVK”.

Ishte opinionisti Olti Curri i cili e nisi bisedën në nisjen e spektaklit, nga një lajm në portalin “Kryefjala”, që thoshte se Vokshi ishte shtatzënë për herë të dytë, teksa Jonida pasi e lexoi, konfirmoi menjëherë se ishte e vërtetë dhe bëri me dije se ishte vërtetë në pritje të ëmbël, duke marrë përqafimet dhe përgëzimet e kolegëve të saj në studio.

“Jam shumë e lumtur që po e ndaj këtë lajm me ju. Këtë rrugëtim kaq të mbushur me emocione, e kam nisur vetë e dyta,”-u shpreh Jonida. E po deri në momentin që të zbulojmë gjininë e fëmijës së Jonidës, nuk na mbetet gjë tjetër veçse t’i urojmë një shtatzëni të mbarë.