Tottenham Hotspur ka konfirmuar se dy futbollistët e skuadrës, Wilson Odobert dhe Randal Kolo Muani, janë përfshirë në një aksident automobilistik vetëm një ditë para përballjes së rëndësishme ndaj Eintracht Frankfurt në Champions League.
Sipas klubit, të dy lojtarët kanë shpëtuar pa lëndime dhe ndodhen në gjendje të mirë shëndetësore. Megjithatë, ngjarja mund t’i ketë tronditur emocionalisht para sfidës europiane.
Në rrjetet sociale qarkulluan imazhe ku dy lojtarët shihen pranë një makine Ferrari me pjesën e përparme të dëmtuar rëndë, duke shqetësuar tifozët londinezë. Klubi konfirmoi se nuk ka pasur dëmtime serioze dhe të dy lojtarët do të vazhdojnë të ndjekin udhëzimet e stafit mjekësor para ndeshjes.
