Qeveria e Kosovës është ndriçuar nga flamuri shumëngjyrësh, duke shënuar kështu Ditën Ndërkombëtare kundër Homofobisë, Transfobisë dhe Bifobisë. Ky veprim vjen si solidarizim me personat e komunitetit LGBTIQ+.
Kryeministri i Kosovës, Albin Kurti, postoi një fotografi të ndërtesës së Qeverisë me flamurin shumëngjyrësh, derisa tha se jemi të gjithë barabartë, edhe nëse dallojnë në besim apo orientim.
“Sot ne shënojmë #IDAHOT, një ditë që na kujton se jemi të gjithë të barabartë – pavarësisht nga orientimi ynë seksual apo identiteti gjinor. Le të qëndrojmë së bashku kundër padrejtësive dhe paragjykimeve, sot dhe çdo ditë”, shkroi Kurti në Twitter.
Today we mark #IDAHOT, a day that reminds us that we are all equal — no matter what our sexual orientation or gender identity. Let us stand together against injustice and prejudice, today and every day. pic.twitter.com/oBaFTbmyhO
— Albin Kurti (@albinkurti) May 17, 2022