Jennifer Lopez ka përjetuar një moment shumë emocional gjatë pjesëmarrjes së saj në Festivalin e Filmit Sundance, ku filmi i saj i ri “Kiss of the Spider-Woman” u prit me ovacione të gjata nga audienca. E emocionuar dhe me lot në sy, Lopez tha se ky ishte një moment që e kishte pritur gjatë gjithë jetës së saj.
“Ky është një ëndërr që më në fund po bëhet realitet,” tha aktorja dhe këngëtarja, e cila shkëlqeu në tapetin e kuq me një fustan elegant me rrjetë. Ajo përmendi edhe ndikimin e madh që ka pasur nëna e saj në rrugëtimin e saj artistik, duke kujtuar se si e shihnin së bashku filmin “West Side Story”, që i dha asaj dëshirën për të ndjekur një karrierë në botën e filmit.
Lopez nuk harroi të falënderonte edhe regjisorin Bill Condon, i cili e ndihmoi të realizonte këtë rol të rëndësishëm. Condon, i njohur për sukseset e tij me filma si “Chicago” dhe “Dreamgirls”, kujtoi me nostalgji festivalin, duke treguar se si kishte marrë pjesë për herë të parë në Sundance 27 vjet më parë me filmin e tij “Gods and Monsters”.
“Kiss of the Spider-Woman” pritet të jetë një nga filmat më të diskutuar të vitit, duke rikthyer Jennifer Lopez në qendër të vëmendjes si aktore.
