Ndërsa punimet për ndërtimin e kampit të refugjatëve në Gjadër të Lezhës po shkojnë drejt përfundimit, zona është marrë nën administrim nga karabinierët italianë, sipas marrëveshjes dypalëshe të nënshkruar më herët nga kryeministrat Rama dhe Meloni. Grupi i efektivëve italianë ka mbërritur gjatë ditëve të fundit në Gjadër për të siguruar mbrojtjen e kampit, ndërsa pritet që punimet të përfundojnë brenda këtij muaji.

Pasi të përfundojnë ndërtimet, do të nisin procedurat për transportin dhe sjelljen e emigrantëve të paligjshëm nga Italia, kryesisht nga Afrika. Qendra ishte planifikuar të hapej më 1 Shtator, kur pritej edhe mbërritja e refugjatëve të parë, por për shkak të vonesave në punime, hapja është shtyrë për një afat të pacaktuar.

Më herët, autoritetet italiane kishin shpërndarë një rregullore etike dhe sjelljeje për efektivët dhe punonjësit, e cila përfshinte rregulla për të shmangur afrimin me gratë shqiptare dhe për të respektuar karakterin dhe sjelljen e vendasve, duke marrë parasysh se shumica e shqiptarëve janë të aftë të flasin italisht.