Skenat u ndoqën në heshtje edhe nga Kryetari i PD-së Lulzim Basha. I ulur krah bashkëpunëtorit të ngushtë, Enkelejd Alibeaj dhe deputetëve të tij ishin në pritje të votimit të dy amendamenteve të propozuara prej tyre, atë sigurisë kombëtare dhe të rialokimit të 50 mln eurove ndihmë ushtarake për Kosovën.

“Nuk ka parlament normal sot, derisa të plotësoni kushtet e opozitës! Harrojeni! tha Paloka nga foltorja e Kuvendit ndërsa aksionin e vijoi duke djegur me çakmak rregulloren.

Deputeti Flamur Noka mbuloi me miell gardistët dhe sekretarin e përgjithshëm të Kuvendit si ‘hakmarrje’ se nuk lanë të hynin 23 të përjashtuarit në seancë. Dash Sula hodhi euro e dollarë false drejt ministrave e deputetëve socialistë.

Situata në Kuvendin e Shqipërisë ka shfaqur një skenar të kaosit të vazhdueshëm me veprime të paparashikuara dhe tensione të larta. Deputetët e opozitës, të udhëhequr nga Bardhi dhe Berisha, duket se vazhdojnë të protestojnë në mënyra të ndryshme, duke përfshirë sjellje të ndryshme që shkaktojnë shqetësime dhe tensione.

Deputetët e Bardhit dhe të Berishës e quajnë aksionin si formë e rezistencës së tyre për të miratuar kërkesat e opozitës për ngritjen e komisioneve hetimore dhe heqjen e Alibeajt dhe zëvendësimin me Oerd Bylykbashki si bashkëkryetar të komisionit të Reformës Zgjedhore. E megjithatë asnjë nga këto skenare nuk ka mundur të ndalë maxhorancën të votojë pikat e rendit të ditës të çdo seance. Madje ka bërë që PS t’i kalojë lehtë vetëm me ngritjen e kartonit. Pr/ ligjet janë kaluar pa debat dhe seancat prej 4 muajsh, qysh se ka nisur aksioni, janë tepër të shkurtra, disa minutëshe.