Garda Civile e Komandës së Almerisë zbuloi një shtëpi prej gati 700 m2 e cila përdorej si qendër për trafikimin e drogës. Tre persona u arrestuan dhe u sekuestruan 180 kg lëndë narkotike kanabis sativa, e ndarë në 170 thasë.

Aksioni i policisë spanjolle filloi më 12 mars të këtij viti, kur një patrullë vuri re hyrjen dhe daljen e disa personave nga kjo shtëpi, ku dyshohej se po bëhej ambalazhimi i lëndës narkotike.

Gjatë vëzhgimit, u vërejti lëvizja e disa automjeteve që dilnin nga shtëpia, me dyshimin se njëra prej tyre mund të përdorej për transportin e lëndës narkotike. Dy orë pas fillimit të operacionit, dy automjete u ndaluan dhe u kontrolluan, duke zbuluar lëndën narkotike në njërin prej tyre.

Pas ndalimit, në një automjet u zbulua lënda kanabis sativa e ambalazhuar në vakuum dhe e etiketuar sipas përqindjes së THC, ndërsa dy shqiptarë u arrestuan në vendngjarje.

Më pas, gjatë kontrollit të shtëpisë, u gjetën materiale të shumta për ambalazhim, pajisje për kultivimin e marijuanës, si dhe pronari i shtëpisë u arrestua për dyshimin se kishte dijeni për veprimin e paligjshëm të qiramarrësve të tij në shtëpi.

Kjo veprimtari e suksesshme e autoriteteve spanjolle është një tjetër hap në luftën kundër trafikut të drogës në rajon.